que fago?

artesanía en papel e origami mariñeiro

todas as pezas mimadriña son parte dun proceso íntimo, unha conversa dende unha ventá entre o que vexo, o que percibo, eo que soño e o que fan unhas mans inquietas.

“xa o dicía estes días, primeiro mirei pola ventá e vin o que me rodeaba, despois fixen unha barquiña de papel e púxenme a navegar, foi tan bonita a travesía que convencín a un montón de nenas e nenos para que fixeran a súa barquiña e navegasen miño abaixo defendendo o que é noso, de alí ó pouco empecei a argallar peixes de origami e chegou o momento de pesca e fixen unha cana cun pau que atopei na praia, fixen redes e ata unha nasa, e a pesca foi boa! cheguei á praia e pensei que podía facer con tanto peixe fresco, e entón lembreime da tradición conserveira do meu pobo sardiñeiro e da importancia que tivo no ser e no sentir dos meus veciños e veciñas. estaba claro! tiña que montar unha conserveira…”

formación e proxectos educativos

normalmente aprendo a partes iguais que ensino.

cada proxecto mimadriña é/foi diferente ou tento que sexa así, elaborando un valor engadido novo en cada unha das miñas intervencións e propostas, adaptando os contidos aos participantes e o espazo ao que vai dirixido, establecendo conversas coas partes e aprendendo en común o longo do proceso.

talleres creativos

tras varios meses facendo cousas cas mans dende a beira dunha ventá, tiña que pasar á acción e dar conta do proceso e facer, sempre facer. foi así como naceron os obradoiros creativos mimadriña, primeiro facer e despois reflexionar e ensinar o aprendido, pequenas intervencións formativas que abordan fermosas historias.

obradoiros creativos intensivos dirixidos á cativada e a adultos soñadores, á comunidade educativa, a institucións públicas e entidades privadas.

decoración de espazos e eventos

gústanme os espazos vacíos, transformalos, recuperar a súa identidade, facer posibles historias, contar historias, crear mundos posibles e de vez en cando, déixanme facelo, si na rúa, nun río, nunha fonte ou no mar mellor que mellor!

“a diferenza entre un espazo vivo e un espazo morto: a maneira en que os seres humanos que están nel áchanse situados, un en relación co outro”, peter brook.

“temos a abriga de inventar outro mundo porque sabemos que outro mundo é posible. pero incumbenos a nós o construílo coas nosas mans entrando en escena, no escenario da vida”, augusto boal.

Orientación e formación. Axente TIC

aínda que teño participado en moitos proxectos de comunicación e creación de contidos dixitais anteriormente a mimadriña, foi este proxecto o que amosou a miña capacidade para contar historias na rede, por iso, colaboro con outros blogs e proxectos ademáis de compaxinar o meu traballo como axente tic na rede CEMIT no Centro Cívico de Eirís